Gürcüstanda koronavirusa yoluxanların sayı 3500-i keçib
Tbilisi, 20 sentyabr, AZƏRTAC
Gürcüstanda son 24 saat ərzində daha 196 nəfər koronavirusa yoluxub.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.he saytında məlumat yerləşdirilib.
Bildirilir ki, bununla ölkədə indiyədək COVID-19-a yoluxanların sayı 3502-yə, sağalanların sayı isə 1494-ə çatıb. Xəstəlik səbəbindən 19 nəfər dünyasını dəyişib.
Hazırda karantində 5014, stasionar nəzarətdə isə 836 nəfər saxlanılır.
Xətayi Əzizov
AZƏRTAC-in xüsusi müxbiri
Tbilisi
Bölmənin digər xəbərləri
