Gürcüstanda seçicilərin 40,93 faizi səsvermədə iştirak edib – YENİLƏNİB-4
Tbilisi, 4 oktyabr, AZƏRTAC
Gürcüstanda keçirilən yerli özünüidarəetmə seçkilərində 1 438 116 vətəndaş iştirak edib.
AZƏRTAC xəbər verir ki, bu barədə Mərkəzi Seçki Komissiyasının mətbuat katibi Natia İoseliani səsvermənin başa çatması ilə əlaqədar keçirilən brifinqdə məlumat verib.
Bildirilib ki, ölkə üzrə seçicilərin 40.93 faizi seçkilərdə iştirak edərək öz səsvermə hüququndan istifadə edib. Səsvermə prosesi sakit və təhlükəsiz şəraitdə keçib.
Xətayi Əzizov
AZƏRTAC-ın xüsusi müxbiri
Tbilisi
20:40
Gürcüstanda keçirilən bələdiyyə seçkilərində səsvermə başa çatıb.
AZƏRTAC xəbər verir ki, yerli vaxtla saat 20:00-da seçki məntəqələri bağlanıb.
Gürcüstan Mərkəzi Seçki Komissiyasının saat 17:00-a olan son məlumatına əsasən, seçici fəallığı 33,5% təşkil edib.
Seçkilərin ilkin nəticələrinin iki saat ərzində açıqlanacağı gözlənilir.
18:26
Saat 17:00-a olan məlumata görə, Gürcüstanda keçirilən bələdiyyə seçkilərində 1 milyon 175 min 817 nəfər səs verib. Bu da ümumi seçicilərin 33,5 faizini təşkil edir.
AZƏRTAC xəbər verir ki, bu barədə Gürcüstan Mərkəzi seçki Komissiyasından məlumat verilib.
Səsvermə davam edir.
16:24
Gürücstanda keçirilən yerli seçkilərdə səsvermə davam edir.
AZƏRTAC Gürcüstan MSK-ya istinadla xəbər verir ki, saat 15:00-a olan məlumata görə, 991 min 651 seçici səs verib, bu da ümumi seçicilərin 28,22 faizini təşkil edir.
Hazırkı vaxtadək dairə seçki komissiyalarına 5 şikayət daxil olub. Onlar da əsasən foto və video çəkiliş qaydalarının pozulması, seçki məntəqəsinin quruluş qaydalarının pozulması, seçki məntəqəsinin xaricində seçicilərin qeydiyyata alınması ilə bağlıdır.
11:37
Oktyabrın 4-də Gürcüstanda yerli bələdiyyə seçkilərinda səsvermə davam edir.
AZƏRTAC xəbər verir ki, bu barədə Gürcüstan Mərkəzi Seçki Komissiyasının mətbuat katibi Natia İoseliani məlumat verib.
Bildirib ki, saat 10-a olan məlumata görə, 275 min 948 nəfər səs verib. Bu da seçicilərin 7,85 faizini təşkil edir.
Qeyd edək ki, bu gün Gürcüstan üzrə paytaxt Tbilisi də daxil olmaqla 64 mer və sakrebulun deputatları seçilməlidir.
Ümumilikdə ölkədə 18 yaşdan yuxarı 3 milyon 130 min 348 seçici 3061 məntəqədə səs verə bilər.
Səsvermənin gedişətaını 28 beynəlxalq və 27 yerli təşkilatın nümayəndəsi izləyir.
Azərbaycandan bu seçkiləri Mərkəzi Seçki Komissiyasının 2 üzvü müşahidə edir.
AZƏRTAC-ın xüsusi müxbiri
Tbilisi
Bölmənin digər xəbərləri
