Gürcüstanda son sutkada koronavirusdan 14 nəfər ölüb

Tbilisi, 7 fevral, AZƏRTAC

Gürcüstanda son sutka ərzində 13 min 573 nəfər koronavirus testindən keçirilib, 404 nəfərin nəticəsi pozitiv olub.

AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat yerləşdirilib.

Bildirilir ki, ölkədə koronavirusa yoluxanların ümumi sayı 262 min 24 nəfərə çatıb.

Son sutka ərzində 799 nəfər müalicə olunaraq bu virusdan sağalıb. Ümumiyyətlə COVID-19 virusundan müalicə olunanların sayı 253 min 614 nəfərdir.

Daha 14 nəfər pandemiyanın qurbanı olub və virusdan dünyasını dəyişənlərin ümumi sayı 3 min 283-ə çatıb.

Ölkədə gündəlik yoluxma əhalinin 2,95 faizini təşkil edir. Son bir həftə ərzində bu rəqəm 3,64 faiz, son 14 gündə isə 3,87 faiz olub.

Hazırda karantin rejimində 450, stasionar nəzarətdə isə 2230 nəfər saxlanılır. Daha 294 nəfər isə xüsusi otellərdə tibbi nəzarətdədir.

Xətayi Əzizov

AZƏRTAC-ın xüsusi müxbiri

Tbilisi

MÜƏLLİFLƏ ƏLAQƏ