Gürcüstanın Baş naziri erməni həmkarı ilə regiondakı vəziyyəti müzakirə edib
Tbilisi, 26 yanvar, AZƏRTAC
Gürcüstanın Baş naziri İrakli Qaribaşvili Tbilisidə səfərdə olan ermənistanlı həmkarı Nikol Paşinyanla görüşüb.
Bu barədə AZƏRTAC-a Gürcüstan hökumətinin administrasiyasından məlumat verilib. Bildirilib ki, görüş zamanı regionda və dünyada təhlükəsizlik mühiti və çağırışlar diqqət mərkəzində olub.
İrakli Qaribaşvili Cənubi Qafqaz regionunda sülh və sabitliyin dəstəklənməsinin vacibliyini vurğulayıb, bunun regiona yeni imkanlar gətirəcəyini qeyd edib. Söhbət zamanı, Ermənistan və Azərbaycanın baş nazirlərinin Tbilisidə keçirilən görüşündə Gürcüstanın regionda sülh və sabitliyin təşviqində mühüm rolu və səyləri vurğulanıb. İ.Qaribaşvili deyib ki, Gürcüstan regionun sülh yolu ilə inkişafı üçün səylər göstərməyə hazırdır.
Tərəflər, həmçinin iqtisadiyyat sahəsində əməkdaşlığın yeni istiqamətlərini və perspektivlərini müzakirə ediblər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
