Gürcüstanın xarici dövlət borcu 876 milyon 765 min dollar artıb
Tbilisi, 14 sentyabr, AZƏRTAC
Gürcüstanın xarici dövlət borcu son bir ildə 876 milyon 765 min dollar artıb.
AZƏRTAC xəbər verir ki, bu barədə Gürcüstan Maliyyə Nazirliyi açıqlama verib.
Bildirilir ki, 2023-cü ilin avqust ayına olan statistikaya əsasən, Gürcüstanın xarici dövlət borcu 8 milyard 568 milyon dollar təşkil edib. Bu da hazırkı məzənnə ilə 22 milyard 528 milyon lariyə bərabərdir.
Son bir ildə ölkənin xarici dövlət borcu artsa da, iyul ayı ilə müqayisədə 27 milyon dollar azalıb.
Gürcüstanın ən böyük kreditorları Asiya İnkişaf Bankı, Avropa İnvestisiya Bankı və Beynəlxalq İnkişaf Bankıdır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
