Hacıqabulda “Qarabağın döyünən ürəyi - Şuşa” müsabiqəsi elan olunub
Hacıqabul, 10 yanvar, Aydın Yavərzadə, AZƏRTAC
Hacıqabul rayonunda “Şuşa İli”nə həsr olunmuş “Qarabağın döyünən ürəyi - Şuşa” adlı rəsm və əl işləri (maket) müsabiqəsi elan olunub.
AZƏRTAC-ın bölgə müxbiri xəbər verir ki, müsabiqə Hacıqabul rayon Heydər Əliyev Mərkəzi və Gənclərin İnkişaf və Karyera Mərkəzinin birgə təşkilatçılığı ilə keçirilir.
Müsabiqədə Hacıqabul rayonundan olan 14-29 yaş arası rayon gəncləri iştirak edə bilərlər. Müsabiqə yanvarın 10-dan 30-dək keçiriləcək. Çəkilən rəsmlər və hazırlanan əl işləri bu müddət ərzində Hacıqabul rayon Heydər Əliyev Mərkəzinə təqdim olunmalıdır.
Bölmənin digər xəbərləri
