Hande Harmancı: Hazırda COVID-19-a qarşı effektiv müalicə yoxdur
Bakı, 24 noyabr, AZƏRTAC
Hazırda koronavirusa qarşı effektiv müalicə yoxdur.
AZƏRTAC xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı Ümumdünya antimikrob preparatlardan düzgün istifadəyə dair maarifləndirmə həftəsinə həsr olunmuş virtual mətbuat konfransında deyib.
O, qrip və COVID-ə qarşı antibiotiklərdən düzgün istifadə olunmamasından narahatlığını bildirib. “Antibiotiklərdən yanlış istifadə insanlarda bu preparatlara qarşı davamlılığa gətirib çıxara bilər. Koronavirusu yüngül və orta dərəcədə keçirən xəstələrə antibiotik tövsiyə olunmur”, - deyə H.Harmancı insanların özünümüalicə ilə məşğul olmasının qarşısını almaq məqsədilə Azərbaycanda antimikrob preparatların əhaliyə sərbəst satışına qadağa qoymağı təklif edib. O, antimikrob preparatlardan düzgün istifadəyə dair əhali arasında maarifləndirmə işinin gücləndirilməsinin vacibliyini də vurğulayıb.
Bölmənin digər xəbərləri
