Hazırda Türkiyədə COVID-19-a qarşı 18 peyvənd hazırlanır, onlardan yeddisi ümidvericidir
İstanbul, 20 aprel, AZƏRTAC
Türkiyədə hazırlanan daha bir peyvəndin birinci kliniki faza hazırlıq işlərinə start verilib.
AZƏRTAC xəbər verir ki, bu barədə Türkiyənin Vitse-prezidenti Fuat Oktay bildirib.
Hazırda Türkiyədə COVID-19-a qarşı 18 peyvəndin hazırlandığını deyən Fuat Oktay bunlardan yeddisinin ümidverici olduğunu deyib. Bildirilib ki, bu yeddi peyvənddən dördü artıq kliniki yoxlama mərhələsindən keçirilir. Ərciyəs Universitetinin professoru Aykut Özdarendeli tərəfindən hazırlanan vaksin isə son klinik yoxlama mərhələsindədir.
COVID-19-a qarşı vaksin hazırlanmasının uzun proses olduğunu deyən Vitse-prezident hazırda yoxlama mərhələsində olan peyvəndlərin ciddi nəzarət altında saxlanıldığını vurğulayıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
