Həqiqi hərbi xidmətə çağırış başa çatmışdır
Bakı, 31 oktyabr (AZƏRTAC). Azərbaycan Respublikası Prezidentinin müvafiq Sərəncamına uyğun olaraq, oktyabrın 1-dən ölkəmizdə başlanmış növbəti həqiqi hərbi xidmətə çağırış başa çatmışdır.
AZƏRTAC xəbər verir ki, minlərlə gənc hərbin sirlərinə dərindən yiyələnmək, Vətənin keşiyində əzmlə dayanmaq kimi şərəfli borcunu yerinə yetirmək üçün hərbi hissələrə yola salınmışdır. Eyni zamanda, xidmət müddətini bitirmiş əsgər, matros və çavuşlar da ehtiyata buraxılmışlar.
Sərəncama əsasən, 1995-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1978-1994-cü illərdə doğulmuş, yaşı 35-dək olan, Azərbaycan Respublikasının Silahlı Qüvvələrində və qanunvericiliyə uyğun olaraq yaradılmış başqa silahlı birləşmələrdə müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan vətəndaşları 2013-cü il oktyabrın 1-dən 30-dək müddətli həqiqi hərbi xidmətə çağırılmışlar.
Bölmənin digər xəbərləri
