Həştərxan vilayətinə yeni qubernator seçilib

10.09.2019 [13:48]
Çap et
A⁺ A^-

Moskva, 10 sentyabr, AZƏRTAC

Həştərxan vilayətinə yeni qubernator seçilib.

AZƏRTAC xəbər verir ki, Həştərxan vilayəti Seçki Komissiyası bu gün seçkilərin nəticələrini rəsmən təsdiq edib. İqor Babuşkin səslərin 75,63 faizini toplayıb. Qubernatorun andiçmə mərasimi sentyabrın 17-də keçiriləcək.

İ.Babuşkin iyunun 5-də Həştərxan vilayəti qubernatorunun vəzifələrini icra etməyə başlayıb. Bu vəzifəyə o, Rusiya Prezidenti Vladimir Putin tərəfindən təyin olunmuşdu.

Qeyd edək ki, Rusiyanın Həştərxan vilayəti ilə Azərbaycan arasında sıx əməkdaşlıq var.

Bakının və Həştərxan vilayətinin Nərimanov rayonları 2006-cı ildə qardaşlaşmış rayonlar elan edilib.

Fəridə Abdullayeva

AZƏRTAC-ın xüsusi müxbiri

Moskva