Heydər Əliyev prospektinin bir hissəsində hərəkət məhdudlaşdırılacaq
Bakı, 20 aprel, AZƏRTAC
Aprelin 21-i saat 09:00-dan saat 16:00-dək paytaxtın Heydər Əliyev prospektinin yan yolunda (şəhər istiqamətində ARDNŞ-nin inzibati binasının qarşısında) aparılacaq təmir işləri ilə əlaqədar nəqliyyat vasitələrinin hərəkəti qismən məhdudlaşdırılacaq.
Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən AZƏRTAC-a bildirilib ki, sürücülərdən qeyd olunan saatlarda sözügedən hissədə hərəkətdə olarkən diqqətli olmaları, yol hərəkəti qaydalarına riayət etmələri və ərazidə quraşdırılmış müvəqqəti yol nişanlarının tələblərinə uyğun avtonəqliyyat vasitələrini idarə etmələri xahiş olunur.
Bölmənin digər xəbərləri
