HİMAYƏÇİLİK ŞURASI YETKİNLİK YAŞINA ÇATMAYAN MƏHKUMLARA XİDMƏT GÖSTƏRƏCƏK
AZƏRTAC xəbər verir ki, Ombudsman Aparatında Himayəçilik Şurasının işçi qrupunun növbəti yığıncağı keçirilmişdir.
Tədbirdə Himayəçilik Şurasının üzvləri çıxış etmiş, görülmüş işlər barədə məlumat vermişlər. Bildirilmişdir ki, şura yetkinlik yaşına çatmayan məhkumlar üçün cəzaçəkmə müəssisəsində təlim-tərbiyə prosesinin təşkilinə, məhkumların sosial müdafiəsi məsələlərinin həllinə, cəza çəkməkdən azad olunanlara əmək və məişət şəraitinin yaradılmasına, onların cəmiyyətə uyğunlaşmasına kömək göstərəcəkdir.
Yığıncaqda şuranın fəaliyyətinin hüquqi əsaslarını təşkil edən Əsasnamə layihəsinin ayrı-ayrı maddələrinə münasibət bildirilmiş, əlavə və dəyişikliklər edilmişdir.
Bölmənin digər xəbərləri
