Hindistanda buzlağın sürüşməsi nəticəsində azı 9 nəfər həlak olub
Bakı, 7 fevral, AZƏRTAC
Hindistanın şimalında yerləşən Uttarakxand ştatında buzlağın sürüşməsindən sonra xilasedicilər ilk cəsədləri tapıblar.
AZƏRTAC News 18 telekanalına istinadla xəbər verir ki, Hindistan-Tibet sərhəd polisi nümayəndəsinin sözlərinə görə, cəsədləri aşkarlanan 9 nəfər Tapovan bəndində tunel tikintisində çalışan işçilərdir. Bütövlükdə burada yüz nəfərə yaxın insan işləyir.
NDTV telekanalının məlumatına görə, nəhəng buz kütlələri Himalayın dağ çaylarına düşərək yüksək dağlıq rayonlarda daşqınlara səbəb olub. “Rişiqanqa” su elektrik stansiyasında 150-dən çox insanın itkin düşdüyü ehtimal edilir. Xilasetmə əməliyyatlarında 100-dək hərbçi və sərhəd polisinin 250 əməkdaşı iştirak edir. Lazım gələrsə, əraziyə daha 600 xilasedicinin cəlb olunacağı bildirilir.
Bölmənin digər xəbərləri
