Hindistanda daşqınlar 14 nəfərin həyatına son qoyub
Bakı, 3 avqust, AZƏRTAC
Hindistanın şərqində yerləşən Qərbi Benqaliya ştatında leysan yağışlarının səbəb olduğu daşqınlar nəticəsində azı 14 nəfər həlak olub, 250 min nəfər isə öz evlərini tərk etmək məcburiyyətində qalıb.
AZƏRTAC “Indian Express” qəzetinə istinadla xəbər verir ki, insanlar əsasən divarların aşması və elektrik vurmasından ölüb. Ştatın hakimiyyət orqanları köçkünlər üçün müvəqqəti sığınacaqlar qurub. Qərbi Benqaliyanın bir neçə rayonu su altında qalıb.
Qeyd edək ki, Hindistanda yağan güclü leysan ciddi daşqınlara səbəb olub. Hökumət zərər çəkənlərə humanitar yardım göstərmək üçün hərbi helikopterlərdən istifadə edir.
Bölmənin digər xəbərləri
