Hindistanda hoteldə baş verən yanğında 14 nəfər ölüb
Pekin, 30 aprel, AZƏRTAC
Hindistanın Qərbi Benqal ştatının paytaxtı Kəlküttə şəhərində hoteldə baş verən yanğın nəticəsində azı 14 nəfər ölüb, 13 nəfər xəsarət alıb.
AZƏRTAC Hindistan mediasına istinadla xəbər verir ki, hadisə aprelin 29-da axşam saatlarına baş verib. Ölənlər arasında xilas olmaq üçün yuxarı mərtəbələrdən tullananlar da var. Yanğınsöndürənlər bir neçə nəfəri, o cümlədən terrasa sığınanları xilas edə biliblər. Hadisə yerində 14 meyit aşkarlanıb, axtarış işləri davam edir.
İlkin ehtimala görə yanğın mətbəxdə qaz sızmasından meydana gəlib.
Qeyd edək ki, Hindistanda tikililərdə yanğın və digər texnogen fəlakətlər tez-tez baş verir. Mütəxəssislər bunun əsas səbəbini təhlükəsizlik qaydalarına əməl edilməməsində görürlər.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
