HİNDİSTANDA NAMƏLUM İNFEKSİYADAN 160 NƏFƏR ÖLMÜŞDÜR
AZƏRTAC xarici KİV-lərə istinadla xəbər verir ki, Hindistanın Kanpur şəhərində naməlum infeksiyanın yayılması nəticəsində 160 nəfər həlak olmuşdur. Təkcə avqustun 24-də 24 ölüm hadisəsi qeydə alınmışdır.
İki həftə əvvəl kəndlərdən birində aşkar olunmuş xəstəlik sürətlə 350 yaşayış məntəqəsinə yayılmışdır. Minə yaxın yerli sakin yataq xəstəsidir, hər gün 15-20 nəfər dünyasını dəyişir.
Yerli həkimlərə kömək məqsədi ilə gəlmiş epidemioloqlar briqadası naməlum xəstəliyin mənşəyi barədə hələlik heç nə deyə bilməmişlər. Əlamətlərinə görə, xəstəlik malyariya və ya tropik qızdırmanı xatırladır. İnfeksiyanın yayıldığı kəndlərin əhalisi kütləvi surətdə başqa yerlərə köçür.
Bölmənin digər xəbərləri
