Hindistanda ötən gün COVID-19 səbəbindən 848 ölüm qeydə alınıb
Pekin, 25 avqust, AZƏRTAC
Hindistanda ötən sutka ərzində COVID-19 səbəbindən 848 ölüm qeydə alınıb. Bununla da ölkədə COVID-19 qurbanlarının sayı 58 min 380-ə çatıb. Hindistan COVID-19 səbəbindən ötəngünkü ölüm hallarının sayına görə bütün ölkələri qabaqlayıb.
AZƏRTAC Hindistanın Federal Səhiyyə Nazirliyinin açıqlamasına istinadla xəbər verir ki, ötən sutka ölkədə yeni növ koronavirusa 60 min 975 yoluxma faktı aşkarlanıb. Son 7 sutkada gündəlik yoluxma sayı 60 mindən çox olub. Nazirlik virusa yoluxanlardan 2,4 milyon nəfərin sağaldığını açıqlayıb.
Qeyd edək ki, Hindistanda indiyədək 3 milyon 167 min 323 nəfər virusa yoluxub. Ölkədə virusa yoluxanların ümumi sayı iyulun 16-da 1 milyonu, avqustun 6-da 2 milyonu, avqustun 22-də isə 3 milyonu ötüb. Ölkə COVID-19-a yoluxanların sayına görə ABŞ və Braziliyadan sonra 3-cü sıradadır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
