HİNDİSTANLI MAQNAT QIZININ TOYUNA 60 MİLYON DOLLAR XƏRCLƏMİŞDİR

25.06.2004 [13:40]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, hindistanlı “polad” maqnatı Lakşmi Mittal 23 yaşlı qızı Vanişaya elə toy şənlikləri təşkil etmişdir ki, onun haqqında təkcə öz ölkəsində deyil, hətta bütün Avropada bu günədək danışırlar.

“Varlığa nə darlıq” deyən dünyanın ən zəngin adamlarından biri Mittal qızının toyuna 60 milyon dollar xərcləmişdir. Versalın (Fransa) qəsrlərindən birində altı gün, altı gecə davam edən şənliklərə min beş yüz qonaq dəvət olunmuşdu.

Beləliklə, çəkilən xərclərə görə Vanişa Mittalın toy şənlikləri İspaniyada bu yaxınlarda böyük təmtəraqla keçirilmiş kral toyunu kölgədə qoymuşdur. ABŞ-ın “Forbs” jurnalının məlumatına görə, İspaniya şahzadəsi Felippenin Letisiya Ortiz ilə toyuna təxminən 35 milyon dollar xərclənmişdir.

HİNDİSTANLI MAQNAT QIZININ TOYUNA 60 MİLYON DOLLAR XƏRCLƏMİŞDİR

MÜƏLLİFLƏ ƏLAQƏ

Bölmənin digər xəbərləri