CƏMİYYƏT
HP ŞİRKƏTİNİN NÜMAYİŞ SALONU AÇILMIŞDIR
27-də “AZEL” şirkətinin kompüter və ofis texnikası mağazasında HP şirkətinin nümayiş salonunun açılışı olmuşdur.
Dünya şöhrətli şirkətin MDB ölkələri və Rusiya üzrə baş meneceri Hilmar Lorents salonun açılışında çıxış edərək bildirmişdir ki, bu, şirkətin Rusiya Federasiyasından sonra MDB ölkələrində açdığı ikinci nümayəndəlikdir.
Nümayiş salonunda HP şirkətinin məhsulları - iş stansiyaları, monitorlar, noutbuklar, kompüterlər üçün müxtəlif yardımçı vasitələr, printerlər, skanerlər geniş təmsil olunmuşdur.
HP şirkəti kompüter texnologiyaları və təsvirin işlənilməsi texnologiyalarının həlli və bu istqamətdə xidmət göstərilməsi sahəsində aparıcı her tutur. 2001-ci ildə şirkətin ümumi dövriyyəsi 45,2 milyard ABŞ dolları olmuşdur.