“HUMANİTE” QƏZETİNİN 100 YAŞI VAR
Əsasını Jan Jores qoymuş qəzetin ilk nömrəsi 1904–cü il aprelin 18-də çıxmışdır.
1914-cü il iyulun 31-də Jan Jores Parisin kafelərinin birində qətlə yetirilmişdir. Bu qətlə səbəb onun fəhlələri mövcud quruluşa qarşı mübarizəyə səsləyən çağırışları olmuşdur. 1918-ci ilin oktyabr ayından qəzetin nəşrinə Marsel Kaşen rəhbərlik etmişdir. 1923-cü ilin fevralından “Humanite” Fransa Kommunist Partiyasının mərkəzi orqanı idi.
İkinci Dünya müharibəsinin başlanması ilə əlaqədar, 1939-cu il avqustun 26-da qəzet müsadirə olunmuş və onun çapına qadağa qoyulmuşdur. Həmin ilin oktyabrından 1944-cü ilin avqustuna qədər gizli şəraitdə qəzetin 317 nömrəsi çıxmışdır.
1948-ci ilin oktyabrından müntəzəm çıxan “Humanite” 1994-cü ildən partiyanın qəzetinə çevrilmişdir. 1999-cu ildən Kommunist partiyası qəzetin, sadəcə, naşiridir.
