HÜSEYN QIVRIQOĞLUNUN DAŞKƏNDƏ SƏFƏRİ
DAŞKƏND. Türkiyə Silahlı Qüvvələrinin Baş Qərargah rəisi general Hüseyn Qıvrıqoğlunun Özbəkistana işgüzar səfəri nəticəsində hərbi və hərbi-texniki əməkdaşlıq haqqında memorandum imzalanmışdır.
Özbəkistan Prezidentinin İcra Aparatındakı mənbədən İTAR-TASS-ın müxbirinə məlum olmuşdur ki, dövlət başçısı İslam Kərimov Türkiyə sərkərdəsini qəbul etmişdir. Özbəkistan lideri Türkiyə Baş Qərargah rəisinin səfərini “iki ölkə arasında əməkdaşlığın möhkəmləndirilməsi istiqamətində atılmış yeni addım kimi” qiymətləndirmişdir. Həmin mənbənin məlumatına görə, İslam Kərimov və Türkiyə generalı Özbəkistanla Türkiyə arasında hərbi və hərbi-texniki münasibətlərin dərinləşməsi, Mərkəzi Asiya regionunda sülhün, sabitliyin və təhlükəsizliyin təmin olunması məsələlərini müzakirə etmişlər. Onlar Əfqanıstanda aparılan antiterror əməliyyatına xüsusi diqqət yetirmişlər.
Türkiyə generalı Özbəkistan xarici işlər nazirliyində qəbul edilmiş və nazir Əbdüləziz Kamilovla danışıqlar aparılmışdır. Türkiyə Baş Qərargah rəisinin respublikanın müdafiə naziri Qədir Qulamovla danışıqları Türkiyənin Özbəkistana təmənnasız yardım göstərməsi barədə sənədin imzalanması ilə başa çatmışdır.
Bölmənin digər xəbərləri
