İB sədri: İqlim dəyişmələrində gənclərin səsi çox vacibdir
Bakı, 11 sentyabr, AZƏRTAC
İqlim dəyişmələri artıq uzaq gələcəyin mövzusu deyil. Havada, suda, şəhərlərdə, kənd təsərrüfatında, gündəlik həyatımızda bu dəyişmələri müşahidə edirik. Ona görə gənclərin səsi çox vacibdir.
AZƏRTAC xəbər verir ki, bunu "Ekosfera" İctimai Birliyinin sədri Firuzə Sultan-zadə "II LCOY Azərbaycan 2026 - II İqlim Dəyişikliyi üzrə Gənclərin Lokal Konfransı"nda çıxışı zamanı deyib.
"İstəmirəm ki, gənclər yalnız dinləsinlər. İstəyirəm ki, siz sual verəsiniz, fikir deyəsiniz, təklif verəsiniz və qərarlara təsir edəsiniz. Mənim üçün bu konfransın ən gözəl tərəfi budur ki, onu məhz gənclər hazırlayıb. Biz həmişə deyirik ki, gənclər gələcəyimizdir. Amma bu artıq kifayət deyil. Siz təkcə gələcəyin deyil, bu günün də dəyişiklik qüvvəsisiniz"- deyə F. Sultanzadə deyib.
Bölmənin digər xəbərləri
