Yunanıstanda seçkilər yaxınlaşdıqca siyasi rəqabət güclənir
Afina, 27 sentyabr, AZƏRTAC
Yunanıstanda növbəti parlament seçkilərinə doğru siyasi mübarizə intensivləşir. Hakim Yeni Demokratiya Partiyası ilə müxalifət qüvvələri seçicilərin dəstəyini qazanmaq üçün iqtisadiyyat, sosial siyasət və dövlət idarəçiliyi məsələlərini ön plana çıxarırlar.
AZƏRTAC xəbər verir ki, “Kathimerini” nəşri ölkənin seçkilərə doğru irəlilədiyi indiki mərhələdə siyasi mənzərəni dəyişkən kimi xarakterizə edir, partiyaların qərarsız və skeptik seçicilərin dəstəyi uğrunda rəqabət apardığını yazır.
PASOK-KINAL partiyasının sədri Nikos Androulakis Baş nazir Kiriakos Mitsotakisin siyasətini tənqid edərək siyasi dəyişiklik çağırışı edib.
Yunanıstan mediasında aparılan təhlillərdə seçicilərin iqtisadi vəziyyət, yaşayış xərcləri, dövlət institutlarının fəaliyyəti və hökumətin siyasəti ilə bağlı mövqelərinin qarşıdakı kampaniyanın əsas mövzularından olacağı vurğulanır.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
