Rumıniyada yeni hökumətin formalaşdırılması həlledici mərhələyə daxil olub
Buxarest, 27 sentyabr, AZƏRTAC
Rumıniyada yeni hökumətin formalaşdırılması prosesi parlament mərhələsinə daxil olub. Baş nazir vəzifəsinə təyin edilmiş Ziqfrid Mureşan hökumət proqramını və Nazirlər Kabinetinin siyahısını parlamentə təqdim edib.
AZƏRTAC xəbər verir ki, parlament komitələrində nazirliyə namizədlərin dinləmələrinin, daha sonra isə hökumətə etimad səsverməsinin gələn həftənin əvvəlində keçirilməsi nəzərdə tutulur.
Z.Mureşan Prezident Nikuşor Danın hökuməti formalaşdırmaq üçün irəli sürdüyü üçüncü namizəddir. İlie Bolojan hökumətinin mayın 5-də etimadsızlıq səsverməsi nəticəsində dəyişməsindən sonra hökumətin formalaşdırılması ilə bağlı iki əvvəlki cəhd parlament çoxluğunun təmin edilməməsi səbəbindən nəticəsiz qalıb.
Təklif olunan yeni hökumətin strukturunda 16 nazirlik və üç baş nazir müavini vəzifəsi nəzərdə tutulur. Yeni kabinetin proqramı və nazirliyə namizədlər təsdiqlənib. Bununla belə, hökumətin parlamentdə tələb olunan səs çoxluğunu əldə edib-etməyəcəyi əsas siyasi məsələlərdən biri olaraq qalır.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
