Bakı, 31 may, AZƏRTAC

İçərişəhərdə 31 May - Ümumdünya Tütünsüz Günü qeyd edilib.

“İçərişəhər” Dövlət Tarix-Memarlıq Qoruğu İdarəsindən AZƏRTAC-a bildirilib ki, “Qoru” Gənclər Təşəbbüs Qrupunun könüllüləri ictimai iaşə məkanları ilə əməkdaşlıq əsasında, mayın 31-də tütün məmulatlarından istifadəni məhdudlaşdıraraq, İçərişəhər ziyarətçilərini bu mövzuda məlumatlandırıblar.

Qeyd edək ki, hər il dünyada Ümumdünya Səhiyyə Təşkilatının təşəbbüsü əsasında 31 May - Ümumdünya Tütünsüz Günü kimi qeyd edilir və bununla bağlı ictimai- sosial təşəbbüslər həyata keçirilir. Bu günün qeyd edilməsində əsas məqsəd tütündən istifadənin doğurduğu xəstəliklərə və ölüm hallarına qarşı ictimaiyyətin diqqətini artırmaqdır.

Tütünsüz Günlərin sayını artıraq - sağlamlığımızı qoruyaq!