İĞTİŞAŞ TÖRƏDƏNLƏR QANUN QARŞISINDA CAVAB VERMƏLİDİRLƏR
Yeni Azərbaycan Partiyasından olan deputatlar Əli Əhmədov və Siyavuş Novruzov həmkarlarının bu təklifinə irad tutmuşlar. Onların fikrincə, həmin şəxslər, əslində, ölkədə keçirilən prezident seçkilərinə etiraz etməyiblər, kütləvi iğtişaşlar törətməklə respublika daxilində sabitliyi pozmağa cəhd göstəriblər. İndi məhkəmə gedir və iğtişaş törədənlər qanun qarşısında cavab verməlidirlər. Ona görə də müxalifətin bu təklifi məhkəmənin işinə təzyiq kimi qiymətləndirilməlidir.
Milli Məclisin sədri Murtuz Ələsgərov məsələyə aydınlıq gətirərək demişdir ki, həmin şəxslərin işləri hazırda məhkəmələrdə araşdırılır. Artıq onlarca şəxs məhkəmə salonundan azadlığa buraxılmış, bəziləri müxtəlif cəzalar almışlar. Qalanlara da ədalətlə mühakimə olunacaq, günahı olmayanlar azad ediləcəklər. Ölkədə siyasi sabitliyi pozmağa cəhd edənlər, kütləvi iğtişaşlar törədənlər isə qanun qarşısında cavab verməlidirlər. Ona görə də indidən bu cür təkliflərlə çıxış edib hələ seçkilərin nəticələri tam bəlli olmadan sabitliyi pozmağa cəhd edənlərə, dövlətin və mülki şəxslərin əmlakına ziyan vuranlara, insanların həyatını real təhlükə altında qoyanlara amnistiya tətbiq etmək yolverilməzdir.
Bölmənin digər xəbərləri
