“İKİ TONQAL”... YANACAQ
AZƏRTAC xəbər verir ki, gənc yazıçı-dramaturq Aygün Həsənoğlunun “İki tonqal” pyesi Dövlət Gənc Tamaşaçılar Teatrının səhnəsində göstəriləcəkdir. Əsərə teatrın baş rejissoru Loğman Kərimov quruluş vermişdir. “İki tonqal”, Aygün Həsənoğlunun Qarabağ müharibəsini əks etdirən “Mağara” (1994) və uşaqlar üçün yazdığı “Oxu, bülbül” (1996) pyeslərindən sonra həmin teatrda tamaşaya qoyulan üçüncü əsəridir. A.Həsənoğlu yaradıcılığının ana xəttini təşkil edən vətənpərvərlik və milli birlik ruhunda yazılmış “İki tonqal” qorxaqlığın, paxıllığın, tənbəlliyin, mənəm-mənəmliyin mənfi xüsusiyyətlər olduğunu uşaqlara başa salmağa, onların vətənpərvər, cəsarətli və bilikli vətəndaş kimi formalaşdırılmasına xidmət edir. Novruz atributları və oyunları ilə zəngin olan “İki tonqal”ın ilk tamaşası martın 23-də olacaqdır.
Bölmənin digər xəbərləri
