“İKİ XALQIN OĞLU”
Ağdaşda dünyaya göz açıb ədəbi proseslərdə fəal iştirak edən şair, dramaturq, kinossenarist, görkəmli alim Maqsud Şeyxzadənin həyat və fəaliyyəti nəinki ədəbiyyatçılar üçün, eyni zamanda, milyonlarla insan üçün örnəkdir, məktəbdir. Azərbaycan və Özbəkistan xalqının yaddaşında parlaq və bütöv şəxsiyyət kimi qalmış Maqsud Şeyxzadənin həyat və fəaliyyəti haqqında “Aztelefilm” yaradıcılıq birliyi “İki xalqın oğlu” adlı sənədli filmin çəkilişinə başlamışdır. Filmin ssenari müəllifi Eldar İsgəndərzadə, quruluşçu rejissoru Vaqif Məmmədov, operatoru Mahir Cahangirovdur. Film həm Azərbaycanda, həm də M.Şeyxzadənin uzun müddət işlədiyi, elm və ədəbi mühitdə görkəmli şəxsiyyət kimi tanındığı Özbəkistanda çəkiləcəkdir. Bakıda və Ağdaşda çəkilişlər artıq başa çatmışdır. Ağdaşda M.Şeyxzadənin ev-muzeyində, uşaqlıq illərini əks etdirən yerlərdə çəkiliş aparılmış, ağsaqqaların sözü lentə alınmışdır.
Film iyun ayında tamaşaçılara təqdim olunacaqdır.
Bölmənin digər xəbərləri
