İKİNCİ İİLYA RUSİYA DÖVLƏT DUMASININ QƏRARINA ETİRAZINI BİLDİRMİŞDİR
AZƏRTAC-ın xüsusi müxbiri xəbər verir ki, Rusiya Federasiyası Dövlət Dumasının Abxaziya və Cənubi Osetiyanın müstəqilliyinin tanınmasına dair qərarı ilə əlaqədar Ümumgürcüstan katolikos-patriarxı II İilya bəyanat vermişdir. Bəyanatda deyilir ki, Dövlət Duması bu qərarı ilə separatizmi dəstəkləyir, dünya ictimaiyyəti buna heç cür razı ola bilməz. Əks təqdirdə dünyanı müharibə xaosu bürüyər.
II İilya Rusiya Prezidenti Dmitri Medvedevə və hökumətin sədri Vladimir Putinə müraciətində Dövlət Dumasının bu qərarının təsdiqlənməməsini xahiş edir. Dini lider bildirir ki, əgər Rusiya Abxaziya və Cənubi Osetiyanın müstəqilliyini tanıyarsa, bu onun özünə daha böyük problemlər yaradacaqdır.
Bölmənin digər xəbərləri
