İLİN SONUNADƏK İSTEHLAKÇILARA VERİLƏN TƏBİİ QAZIN QİYMƏTİNDƏ DƏYİŞİKLİK EDİLMƏYƏCƏKDİR
“Azəriqaz” QSC-nin sədri Əlixan Məlikov AZƏRTAC-a bildirmişdir ki, cari ilin sonunadək təbii qazın qiyməti qüvvədə olan tariflərə uyğun saxlanılacaqdır.
Payız-qış mövsümünə hazırlıqla əlaqədar yeraltı qaz anbarlarına 1 milyard 100 min kubmetrə yaxın qaz vurulduğunu qeyd edən Əlixan Məlikov, ehtiyat tədbirlərinin davam etdirildiyini bildirmişdir. Ə.Məlikov demişdir ki, 1 milyard 400 min kubmetr təbii qazın yeraltı anbarlara vurulması nəzərdə tutulur və payız-qış mövsümündə bölgələrdə qazlaşdırma davam etdiriləcəkdir.
Ə.Məlikov bildirmişdir ki, cari il sentyabrın sonunadək Horadiz şəhərində və Ağdamın Quzanlı qəsəbəsində əhaliyə təbii qaz verilməsinə başlanacaqdır. Bakı kəndlərinin də qazla təminatının yaxşılaşdırılması məsələsi həll olunmaq üzrədir.
Bölmənin digər xəbərləri
