İNGİLTƏRƏ FUTBOLUNDA QALMAQAL YETİŞİR

11.09.2006 [23:08]
Çap et
A⁺ A^-

AZƏRTAC xarici KİV-lərə istinadla xəbər verir ki, İngiltərə futbolunda iri korrupsiya qalmaqalı yetişir. Qalmaqalda birinci liqanın, az qala, on komandasının aparıcı oyunçuları, menecerləri və agentlərinin adları hallanacaqdır. Bi-Bi-Si teleradio şirkəti oktyabrın 2-də bu hadisəni açıqlamaq niyyətindədir.

Bi-Bi-Si-nin əldə etdiyi audioyazıda bəzi vəzifəli şəxslər rüşvət almağa hazır olduqlarını təsdiq etmişlər. İngiltərənin “Nyus of ze world” qəzetinin yazdığına görə, onların arasında “Portsmut”un baş məşqçisi Harri Pednappa, İngiltərə yığmasının keçmiş məşqçisi Sven Yeran Erikssonun nümayəndəsi Otul Stil və başqaları da var.

Bi-Bi-Si-nin iki jurnalisti özlərini, guya, İngiltərə futboluna böyük məbləğdə sərmayə qoymaq və yeni “Daynemik Sokker” futbol agentliyi yaratmaq niyyətində olan ABŞ milyarderi Pol Silvermanın mənafeyini təmsil edən biznesmen kimi qələmə vermişdir. Yarım il ərzində iki jurnalist məşqçilər və oyunçularla görüşür və onların mənafeyini dəstəkləməklə əlaqədar müəyyən xidmətlərin müqabilində qanunsuz yolla pul almağı təklif etmişdir.

İNGİLTƏRƏ FUTBOLUNDA QALMAQAL YETİŞİR

MÜƏLLİFLƏ ƏLAQƏ

Bölmənin digər xəbərləri