“İNTER”-“RABOTNİÇKİ” GÖRÜŞÜNDƏ QAPILARA QOL VURULMADI
AZƏRTAC xəbər verir ki, Bakının “İnter” futbol klubu iyulun 15-də Tofiq Bəhramov adına Respublika stadionunda Çempionlar Liqası turnirinin ilkin təsnifat mərhələsi çərçivəsində Makedoniyanın “Rabotniçki” komandasını qəbul etmişdir.
Oyunun ilk dəqiqələrində “İnter” hesabı açmağa yaxın olsa da, komandanın kapitanı Emin İmaməliyev yaranan əlverişli imkandan istifadə edə bilməmişdir. Birinci hissə sona qədər meydan sahiblərinin üstünlüyü şəraitində keçsə də hesab açılmamışdır.
İkinci hissədə də bakılılar daha çox hücum təşkil edirdilər. Qonaq komanda isə müdafiə olunmağa üstünlük verirdi. Lakin komandada liderliyi öz əlinə ala biləcək futbolçunun olmaması “İnter”in ardı-arası kəsilməz hücumlarını qolsuz qoyurdu.
Beləliklə, “İnter” tarixində ilk dəfə qatıldığı Çempionlar Liqası turnirinə qolsuz heç-heçə ilə başladı.
Bu komandalar arasında növbəti mərhələyə vəsiqənin sahibi bir həftə sonra Makedoniyada keçiriləcək cavab görüşünün nəticəsində məlum olacaqdır.
######
Bölmənin digər xəbərləri
