İNTİHARLAR MÜHARİBƏLƏRDƏN QORXULUDUR
Hər il 20-60 milyon adam intihar etmək qərarına gəlir ki, onların da təxminən 1 milyonu bu qərarını həyata keçirir. İntiharçıların əksəriyyəti zəhərlənmə yolu ilə həyatına son qoyur. Odlu silah və dərman vasitələrindən də çox istifadə olunur.
İntihar cəhdinə adətən depressiya, alkoqolizm və şizofreniyadan əziyyət çəkən adamlar əl atırlar. İnsanları intihara sövq edən əsas səbəblərdən biri qəflətən iş yerini itirməkdir. Yaxın adamını itirmək, yoxsulluq, işsizlik, həyatda öz yerini tapmamaq da insanı bu dəhşətli həddə yaxınlaşdırır.
Ən çox intihar hadisələri Baltikyanı ölkələrdə, Rusiya və Finlandiyada qeydə alınmışdır. Bununla belə, intihar hadisələrinin əksəriyyətinin qarşısını almaq mümkündür. Risk qrupuna daxil olan adamların üzə çıxarılması, potensial intiharçılar üçün “qaynar xətt” yaradılması, təhlükəli preparatların əldə edilməsinin məhdudlaşdırılması kimi vasitələr buna imkan verir.
Bölmənin digər xəbərləri
