İon Sterian: Biz enerji təhlükəsizliyimizi təmin etmək üçün Azərbaycandan qaz idxal edirik
Buxarest, 28 noyabr, AZƏRTAC
“Biz enerji təhlükəsizliyimizi təmin etmək üçün Azərbaycandan, Xəzər dənizi regionundan birbaşa qaz idxal edirik”.
AZƏRTAC xəbər verir ki, bunu Rumıniyanın “TransGaz” şirkətinin direktoru İon Sterian “Antena 3” yerli televiziya kanalının təşkil etdiyi “RO 3.0” adlı konfransı zamanı bildirib.
Onun sözlərinə görə, Rumıniya Moldovanı da qazla təmin etməklə Avropanın mərkəzi-şərq bölgəsində çox mühüm rol oynayır.
İ. Sterian qeyd edib ki, artıq ölkə Rusiya qazından asılı deyil və bir neçə təchizatçı vasitəsilə Moldovaya da təbii qaz nəql edir: “2021-ci ilin yanvarından Trans-Balkan dəhlizində qaz tranziti dayanıb, lakin Rumıniya alternativ həll yolları tapıb”.
İon Sterian Azərbaycandan, Xəzər dənizi regionundan, Türkiyə və Yunanıstanda LNG terminallarından birbaşa qaz idxalı üçün dəhlizin yaradılmasını xüsusi qeyd edib.
“Bolqarıstan və Yunanıstan arasında interkonnektorun işə düşməsi, 3 milyard kubmetr qaz həcmində mümkün olan qarşılıqlı əlaqə ölkənin enerji təhlükəsizliyini daha da gücləndirib”, - deyə “TransGaz” şirkətinin direktoru vurğulayıb.
Buxarest
Bölmənin digər xəbərləri
