İqdırda “Azərbaycan Evi”nin rəhbəri: Heydər Əliyev müasir Azərbaycanın qüdrətli bünövrəsini yaradan liderdir
Ankara, 11 dekabr, AZƏRTAC
Heydər Əliyev Türk dünyası tarixində ən görkəmli şəxsiyyətlərdən biridir. Azərbaycan xalqının dahi oğlu təkcə doğma Azərbaycanın deyil, dünyanın bir çox xalqlarının yaddaşında dərin iz qoyub. Mən fəxr edirəm ki, belə bir görkəmli şəxsiyyətlə şəxsən tanış olmuşam.
Bu barədə AZƏRTAC-a Türkiyə-Azərbaycan Dostluq Cəmiyyətləri Federasiyasının rəhbəri, İqdırdakı “Azərbaycan Evi”nin rəhbəri Serdar Ünsal bildirib.
O, Ümummilli Lider Heydər Əliyevlə hələ ermənilərin Naxçıvana silahlı basqınlarının qarşısının alındığı dövrdə dəfələrlə görüşdüyünü qeyd edib.
“Heydər Əliyev müasir Azərbaycanın qüdrətli bünövrəsini yaradan liderdir. Onun siyasi kursu sayəsində Azərbaycan sabit və uğurla inkişaf edən dövlətə, regionun parlaq ulduzuna çevrilib”, - deyə federasiya rəhbəri vurğulayıb.
Serdar Ünsal vurğulayıb ki, Ulu Öndərin siyasi kursu onun layiqli davamçısı Azərbaycan Prezidenti İlham Əliyev tərəfindən uğurla davam etdirilir. Prezident İlham Əliyev Azərbaycan dövlətçiliyinin memarının ən böyük arzusunu həyata keçirib – Qarabağı Ermənistan işğalından azad edib.
“Dahi dövlət xadiminin vəfatının 21-ci ildönümündə Azərbaycan dövlətçiliyinin xilaskarının xatirəsini dərin ehtiram və məhəbbətlə yad edirəm”, - deyə Ünsal bildirib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
