İQTİSADİ İNKİŞAF NAZİRLİYİNİN MƏLUMATI
Dövlət müəssisələrinin özəlləşdirilməsində ilkin mərhələ olaraq, onların səhmdar cəmiyyətlərinə çevrilməsi prosesi xüsusi əhəmiyyət kəsb edir.
İqtisadi İnkişaf Nazirliyi dövlət müəssisələrinin bazasında səhmdar cəmiyyətlərinin yaradılması, eləcə də onların özəlləşdirilməsi sahəsində qanunvericilikdə nəzərdə tutulmuş tədbirlərin həyata keçirilməsini davam etdirir. Təkcə 2001-ci ilin ötən dövrü ərzində dövlət müəssisələrinin bazasında 112 səhmdar cəmiyyəti təsis olunmuşdur.
Ümumiyyətlə, indiyədək dövlət müəssisələrinin bazasında 1275 səhmdar cəmiyyəti yaradılmışdır. Bunların arasında Kənd Təsərrüfatı Nazirliyinin tabeliyində olmuş 248, “Azəravtonəqliyyat” Dövlət Konserninin 101, “Xidmət” Dövlət Konserninin 95, Ticarət Nazirliyinin 86, “Taxıl məhsulları” Dövlət Şirkətinin 62, “Azəryeyintisənaye” Dövlət Şirkətinin 55, “Xalq üçün mallar” Dövlət Konserninin 47, “Azərquşsənaye” Dövlət Şirkətinin 32, “Sənaye-Ticarət” Dövlət Konserninin 31, “Azərsənayetikinti” Dövlət Şirkətinin 29, “Azərkəndtikinti” Dövlət Şirkətinin 22, Dövlət Neft Şirkətinin 17, “Azərbalıq” Dövlət Konserninin 10 müəssisəsi və s. vardır.
Bundan başqa, bazasında səhmdar cəmiyyətləri yaradılmış müəssisələr sırasına 18 səhiyyə, 9 rabitə, 10 metallurgiya, 4 mənzil-kommunal təsərrüfatı müəssisəsi də daxildir.
Bölmənin digər xəbərləri
