İQTİSADİ İNKİŞAF NAZİRLİYİNİN MƏLUMATI
2002-ci ilin ilk ayında nazirliyin Sahibkarlığın inkişafı və dövlət əmlakının idarə edilməsi departamenti tərəfindən “Yerli müəssisələrin sübkontraktlar əsasında dövlət sifarişlərinin yerinə yetirilməsinə, habelə xarici kreditlər hesabına həyata keçirilən layihələrə cəlb olunması qaydaları”nın, kiçik və orta sahibkarlığın inkişafını sürətləndirmək məqsədi ilə bu sahəyə dövlət köməyinin əsas istiqamətlərini müəyyənləşdirən “Azərbaycan Respublikasında kiçik və orta sahibkarlığın inkişafı üzrə dövlət proqramı”nın, “Lizinq fəaliyyəti haqqında” və “Hüquqi şəxslərin dövlət qeydiyyatı haqqında” yeni qanunların layihələri, “Azərbaycan Respublikası hökuməti ilə Ukrayna Respublikası hökuməti arasında kicik və orta sahibkarlığın inkişafı sahəsində əməkdaşlıq haqqında” sazişin layihəsinin, müvafiq qurumlar tərəfindən verilmiş rəy və təkliflər nəzərə alınmaqla, yeni variantı hazırlanmış və təqdim olunmuşdur.
Ay ərzində ölkə ərazisində ticarət, xidmət və ictimai iaşə sahələrində fəaliyyət göstərən təsərrüfat subyektlərinə - 347 ticarət, 49 ictimai iaşə, 43 məişət obyektinə xidmət və dərəcə sertifikatları verilmişdir.
Bu müddət ərzində idxal və ixrac əməliyyatları üzrə bağlanmış 97 müqavilə qeydə alınmış, sahibkarlıq fəaliyyəti növləri və idxal əməliyyatları üçün 42 lisenziya verilmiş, dövlət büdcəsinə 66 milyon manatdan çox vəsait köçürülmüşdür.
Bölmənin digər xəbərləri
