İQTİSADİYYATDA ÖZƏL BÖLMƏNİN ROLU İLBƏİL ARTIR
Azərbaycan Respublikası Sahibkarlar (İşəgötürənlər) Təşkilatları Milli Konfederasiyasından AZƏRTAC-a bildirmişlər ki, hazırda ümumi daxili məhsulda özəl bölmənin payı 74 faizə çatır. Sənaye məhsulu istehsalının 53,7 faizi, kənd təsərrüfatı məhsulları istehsalının və ticarətin 99 faizi, tikintinin 76,1 faizi, daxili əmtəə dövriyyəsinin 98,4 faizi, xarici ticarət dövriyyəsinin 59 faizi, ixracın 52,6 faizi, idxalın 69 faizi məhz bu bölmənin payına düşür.
Sosial fondlara, dövlət büdcəsinə istiqamətləndirilən vergi və ödənişlərin yerinə yetirilməsində özəl bölmə mühüm yer tutur. Dövlət büdcəsi gəlirlərinin 38 faizini bu bölmə verir. Əhalinin ümumi məşğulluğunda isə onun payı 70 faizdir.
Bölmənin digər xəbərləri
