İrakli Kobaxidze: Gürcüstan hökuməti Aİ-nin münasibətinin yaxşıya doğru dəyişəcəyinə ümid edir
Tbilisi, 21 oktyabr, AZƏRTAC
“Biz ümid edirik ki, Avropa İttifaqı (Aİ) və onun institutları Gürcüstan ilə bağlı siyasətə yenidən baxacaqlar. Gürcüstan hökuməti Avropa İttifaqının münasibətinin yaxşıya doğru dəyişəcəyinə ümid edir”.
AZƏRTAC xəbər verir ki, bu sözləri Gürcüstanın Baş naziri İrakli Kobaxidze Avropa Komissiyasının qrant siyasəti ilə bağlı sualını cavablandırarkən söyləyib.
“Ümid edirik ki, bu siyasətə yenidən baxılacaq və Avropa İttifaqı son nəticədə gürcü xalqına qarşı düzgün siyasətlə razılaşacaq”, – deyə Kobaxidze vurğulayıb.
Baş nazirin sözlərinə görə, bəzi qüvvələr Gürcüstanda sabitliyi pozmaq və inqilabi proseslər yaratmaq cəhdlərində birbaşa iştirak edirlər.
“Biz görürük ki, müəyyən şəxslər və qüvvələr Gürcüstanda inqilab təşkil etməyə cəhd göstərirlər. Bu, Avropa İttifaqının obyektiv maraqlarına xidmət etməyən, həyasız siyasətdir,” – deyə hökumət başçısı qeyd edib.
Kobaxidze bildirib ki, Gürcüstan hökuməti ölkənin suverenliyini və milli maraqlarını qorumaqda qətiyyətlidir və tərəfdaşlarla münasibətlərdə qarşılıqlı hörmət və bərabərlik prinsiplərinə əsaslanmaqda israrlıdır.
Tbilisi
Bölmənin digər xəbərləri
