İrakli Qaribaşvili: Ümid edirik ki, Azərbaycan və Ermənistan tezliklə sülh sazişi imzalayacaq
Tbilisi, 26 yanvar, AZƏRTAC
Biz Azərbaycan ilə Ermənistan arasında davam edən dialoqa böyük nikbinlik və ümidlə baxırıq. Ümidvar olduğumu bildirmək istərdim ki, onlar tezliklə regionda mövcud sülhü möhkəmləndirəcək, sabitliyə kömək edəcək sülh sazişi imzalayacaqlar.
AZƏRTAC xəbər verir ki, bu sözləri Gürcüstanın Baş naziri İrakli Qaribaşvili ermənistanlı həmkarı Nikol Paşinyanla görüşdən sonra keçirilən brifinqdə söyləyib.
Gürcüstan hökumətinin başçısı qeyd edib ki, ölkəsi həmişə regionda uzunmüddətli sülh və sabitliyin tərəfdarı olub.
“Ümidvaram ki, Ermənistan və Azərbaycan tezliklə sülh sazişi imzalayacaqlar, bu, şübhəsiz, regionda sülhü təşviq edəcək və möhkəmlədəcək, sabitliyə kömək göstərəcək. Bir daha təkrar etmək istəyirəm ki, bu, bizim ölkələrimiz və xalqlarımız üçün vacibdir”, - deyə İrakli Qaribaşvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
