İran əlavə olaraq 20 milyon doza “Razi Kovopars” peyvəndi istehsal edəcək
Tehran, 22 noyabr, AZƏRTAC
Cari ilin sonuna qədər İran əlavə olaraq 20 milyon doza “Razi Kovopars” peyvəndi istehsal edəcək.
AZƏRTAC xəbər verir ki, bu barədə serium istehsal edən institutun direktoru Məhəmməd Hüseyn Fəllah məlumat verib. O bildirib ki, bu peyvənd Ümumdünya Səhiyyə Təşkilatının göstərişlərinə uyğun şəkildə hazırlanıb və testdən keçirilərək özünü doğruldub. Onun sözlərinə görə istehsal olunan peyvəndlər Səhiyyə Nazirliyinə təhvil veriləcək.
Səhiyyə Nazirliyinin bu gün verdiyi açıqlamaya əsasən isə son 24 saat ərzində ölkə ərazisində 5 min 427 nəfərin koronavirusa yoluxması, 97 nəfərin isə bu xəstəlikdən ölməsi faktı qeydə alınıb. Bununla da İranda virusa yoluxanların ümumi sayı 6 milyon 82 min 865 nəfərə, ölənlərin ümumi sayı isə 129 min 53-ə çatıb.
Ölkə üzrə müxtəlif xəstəxanalarda müalicə alan 3 min 393 koronavirus xəstəsinin vəziyyəti ağır olaraq qalır. Eyni zamanda bu günə kimi 5 milyon 795 min 60 xəstə sağalaraq evə buraxılıb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
