İRAN XİN-İN BAŞÇISININ BƏYANATI
AZƏRTAC-ın Tehrandan aldığı xəbərdə deyilir ki, İran XİN-in başçısı Kamal Xərrazi Xəzəryanı beş dövlətin xarici işlər nazirlərinin bu yaxınlarda Moskvada keçirilən görüşünün yekunlarını yüksək qiymətləndirmişdir. O, aprelin 8-də Tehranda yayılmış bəyanatında vurğulamışdır ki, bu görüş “Xəzərlə bağlı problemlərin həllinə dair danışıqlar prosesində tərəqqiyə doğru yol açmışdır”.
Nazirin fikrincə, “görüş iştirakçılarının qəbul etdikləri yekun sənədinə mühüm məqamlar daxildir. Bu, ilk növbədə, Xəzəryanı dövlətlərin başçılarının Tehranda zirvə görüşünün keçirilməsinə və həmin tədbirin gündəliyinə aiddir”.
K.Xərrazi ümidvar olduğunu bildirmişdir ki, zirvə görüşü cari ilin ikinci yarısında baş tutacaq və region ölkələri arasında təhlükəsizlik sahəsində iqtisadiyyatdan tutmuş gəmiçiliyədək müxtəlif sahələrdə ciddi əməkdaşlıq şəraiti yaratmağa kömək edəcəkdir.
Bölmənin digər xəbərləri
