İrana qarşı yeni sanksiyalar tətbiq edilib

05.11.2020 [11:52]
Çap et
A⁺ A^-

Tehran, 5 noyabr, AZƏRTAC

ABŞ-ın Maliyyə Nazirliyi İrana məxsus 27 internet resursun bağlanması haqqında qərar qəbul edib.

AZƏRTAC xəbər verir ki, qərarda əsasən xəbər agentliklərinin saytlarının bağlanması nəzərdə tutulub. Qeyd olunur ki, bu saytlar ABŞ-da keçirilən prezident seçkilərinə müdaxilə ediblər.

İran mətbuatı yazır ki, seçkiyə müdaxilə iddiası, sadəcə olaraq, bəhanədir. İnternet saytları ABŞ-da keçirilən prezident seçkilərinə müdaxilə etmək imkanında deyil. Məsələnin mahiyyəti ondan ibarətdir ki, sanksiyaya məruz qalan internet resursları seçkilərdə baş verən saxtakarlıqları işıqlandırıb ki, bu da Vaşinqtonda xoş qarşılanmayıb.

Qeyd edək ki, noyabrın 3-də ABŞ-da prezident seçkiləri keçirilib. Hələlik qalib elan olunmayıb.

Rabil Kətanov

AZƏRTAC-ın xüsusi müxbiri

Tehran