İRANIN TU-154 TƏYYARƏSİNİN QƏZAYA UĞRAMASI SƏBƏBLƏRİ HƏLƏLİK MÜƏYYƏN EDİLMƏMİŞDİR
İTAR-TASS-ın yaydığı xəbərə görə, İran ekspertləri ötən çərşənbə axşamı ölkənin qərbindəki Luristan əyalətində TU-154 təyyarəsinin qəzaya uğraması səbəblərini şərh etməkdən boyun qaçırırlar. İran parlamentinin fevralın 17 - də keçirilmiş qapalı iclasında inkişaf parlamentin komissiyasının başçısı Möhsün Nəriman demişdir ki, mütəxəssislər “qara qutu”ların şifrələri açılmayınca müəyyən bir nəticəyə gəlməkdən çəkinirlər. Onun dediyinə görə, təyyarənin qəzaya uğraması səbəbləri indiyədək aydın deyildir. Lakin ekspertlər bunu təyyarəçinin yaşlı olması ilə əlaqələndirirlər. Nəriman demişdir: “Pilotlar üçün optimal yaş həddi 35-40 ildir, həmin təyyarənin pilotunun - İran hərbi hava qüvvələrinin istefada olan təyyarəçisinin isə 54 yaşı var idi”.
Sefidkuh dağlarında qəzaya uğramış “İran eyr tur” aviasiya şirkətinə məxsus TU-154 təyyarəsində 119 sərnişin, o cümlədən 4 nəfər İspaniya vətəndaşı olmuşdur. Həlak olanların axtarışları davam edir. İndiyədək 70 sərnişinin cəsədi tapılmış, onların 29-nun şəxsiyyəti müəyyən edilmişdir.
Hadisə yerində Rusiya ekspertləri də işləyirlər.
Bölmənin digər xəbərləri
