İRANIN VİTSE-PREZİDENTİ UKRAYNA İLƏ MÜNASİBƏTLƏRİN İNKİŞAF ETDİRİLMƏSİNİ ÖNƏMLİ SAYIR

27.04.2004 [16:39]
Çap et
A⁺ A^-

AZƏRTAC-ın Tehrandan aldığı xəbərdə deyilir ki, İranın vitse-prezidenti Məhəmməd Rza Arif Ukrayna ilə münasibətlərinin hərtərəfli inkişaf etdirilməsini İslam Respublikasının xarici siyasətinin öncül istiqamətlərindən biri adlandırmışdır. O, Ukrayna Baş nazirinin müavini Andrey Klyuyevlə görüşdə demişdir ki, Tehranla Kiyev arasında hərtərəfli əlaqələrin genişləndirilməsi İranın xarici siyasətində mühüm yer tutur.

M.Arif son illər iki ölkənin siyasət, ticarət və mədəniyyət sahəsində də qarşılıqlı fəaliyyətinin yüksək səviyyəyə qalxdığını vurğulamış və bildirmişdir ki, İran Ukraynanın enerji daşıyıcılarına tələbatını təmin etməyə hazırdır.

Ukrayna Baş nazirinin müavini isə An-140 təyyarəsinin bazasında İran-140 sərnişin təyyarəsinin birgə yaradılmasını iki ölkə arasında iqtisadi əməkdaşlığın yaxşı nümunəsi kimi qeyd etmişdir.

A.Klyuyev demişdir ki, Kiyev neft-qaz, avtomobilqayırma və gəmiqayırma sahələrində, habelə İran qazının Ukrayna vasitəsilə Avropaya ixracında Tehranla qarşılıqlı fəaliyyət göstərməyə hazırdır.

İRANIN VİTSE-PREZİDENTİ UKRAYNA İLƏ MÜNASİBƏTLƏRİN İNKİŞAF ETDİRİLMƏSİNİ ÖNƏMLİ SAYIR

MÜƏLLİFLƏ ƏLAQƏ

Bölmənin digər xəbərləri