“İrşad” elektronika mağazaları şəbəkələri arasında Azərbaycanın ən çox vergi ödəyən şirkəti olub
Azərbaycanın ən çox vergi ödəyən şirkətləri ilə bağlı siyahının açıqlanması biznes mühitində şəffaflığın artırılması baxımından əhəmiyyətli addımlardan biri hesab olunur. Beynəlxalq təcrübə göstərir ki, bir çox ölkələrdə bu cür məlumatların paylaşılması biznes subyektlərinin iqtisadiyyata verdiyi töhfənin daha aydın görünməsinə imkan yaradır. Həmçinin bu cür açıqlamalar şirkətlərin fəaliyyətində şəffaflıq prinsipinin nə dərəcədə ön planda olduğunu nümayiş etdirir.
Azərbaycanın iqtisadi inkişafında mühüm rol oynayan özəl sektorun aparıcı nümayəndələrindən biri “İrşad” da ölkənin ən çox vergi ödəyən 100 şirkətləri arasında yer alıb. Son illərdə dinamik inkişaf yolu keçən şirkət həm iqtisadi göstəricilər, həm də dövlət büdcəsinə verdiyi töhfə ilə diqqət çəkir.
Açıqlanan rəsmi siyahıya əsasən, “İrşad” ötən il ən çox vergi ödəyən və bu məlumatın ictimaiyyətə təqdim edilməsinə razılıq verən 100 vergi ödəyicisinin siyahısında yer alıb. Şirkətin ödədiyi vergi məbləği 14,3 milyon manat təşkil edib ki, bu da onun iqtisadi aktivliyinin və bazardakı mövqeyinin göstəricisidir.
Azərbaycanda bu cür məlumatların ictimaiyyətə təqdim olunması həm biznes sektorunda rəqabət mühitini gücləndirir, həm də istehlakçıların seçim meyarlarına təsir göstərir. Müasir istehlakçı davranışları üzərində aparılan araşdırmalar da göstərir ki, vətəndaşlar daha çox şəffaf və sosial məsuliyyətli şirkətləri seçməyə meyillidirlər.
“İrşad”ın bu siyahıda yer alması onun bazardakı mövqeyinin və iqtisadi aktivliyinin göstəricisi olmaqla yanaşı, həm də ölkə iqtisadiyyatına töhfəsinin bariz nümunəsidir.
Qeyd edək ki, Azərbaycanın ən çox vergi ödəyən şirkətləri siyahısı ölkə iqtisadiyyatında mühüm rol oynayan müəssisələri müəyyən etməklə yanaşı, biznes sektorunda şəffaflıq və inkişaf göstəricilərini də əks etdirir. Siyahı ilə buradan ətraflı tanış ola bilərsiniz: https://www.taxes.gov.az/az/page/gelecek-strategiyalarplanlar.
Bölmənin digər xəbərləri
