İslamabadda 20 Yanvar faciəsinin 27-ci ildönümü ilə bağlı seminar keçiriləcək
İslamabad, 15 yanvar, АZƏRTAC
İslamabaddakı Preston Universitetində 20 Yanvar faciəsinin 27-ci ildönümünə həsr olunmuş "Qara Yanvar - şəhidlikdən müstəqilliyə" adlı seminar keçiriləcək.
Tədbirdə şəhidlərin ruhuna dualar oxunacaq, Azərbaycanın Pakistandakı səfiri Əli Əlizadə 20 Yanvar faciəsi haqqında məlumat verəcək. Pakistanın sabiq xarici işlər naziri, Preston Universitetinin prorektoru Abdul Sattar sovet qoşunlarının Bakıda törətdiyi vəhşiliklər və faciənin səbəbləri barədə danışacaq.
Mərkəzi Asiya üzrə ekspert Mahmud ul-Hassan Xan, Mardan şəhərindəki Qazi Universitetinin əməkdaşı Adnan Sarvar, Preston Universitetinin nümayəndəsi doktor Abdul Basit və başqaları imperiya qoşununun Bakıda törətdiyi qanlı qırğınla bağlı fikirlərini bölüşəcəklər.
Sonda Qara Yanvarla bağlı sənədli film nümayiş etdiriləcək.
Qulu Kəngərli
AZƏRTAC-ın xüsusi müxbiri
İslamabad
Bölmənin digər xəbərləri
