İSRAİL-ANDORRA GÖRÜŞÜ TAMAŞAÇILARSIZ KEÇİRİLƏCƏKDİR

31.08.2006 [18:45]
Çap et
A⁺ A^-

AZƏRTAC Röyterə istinadla xəbər verir ki, İsrail milli komandası 2008-ci il Avropa çempionatının seçmə turnirində Andorra futbolçularına qarşı növbəti görüşünü Təl-Əvivdə deyil, Hollandiyanın Neymigen şəhərində keçirməlidir. Beləliklə, İsrail yığmasının azarkeşləri bu oyunu birbaşa stadiondan izləyə bilməyəcəklər. Avropa Futbol İttifaqları Assosiasiyasının (UEFA) qərarına əsasən görüş tamaşaçılarsız keçiriləcəkdir.

Xatırladaq ki, Yaxın Şərqdə vəziyyətlə əlaqədar bundan əvvəl UEFA İsrailə Andorra komandası ilə oyunu öz meydanında keçirməyi qadağan etmişdir. O ki qaldı israillilərin seçmə qrupunda evdə keçirməli olduqları qalan görüşlərinə, onlar UEFA-nın xüsusi sərəncamınadək bitərəf meydanlarda keçiriləcəkdir.

İsraillilərin düşdüyü E qrupuna Andorra, Estoniya, Rusiya, Xorvatiya, İngiltərə və Makedoniya komandaları daxildir.