İsrail şirkəti süni intellektlə xərçəng dərmanını 8 saata təkmilləşdirdi
Bakı, 5 may, AZƏRTAC
İsraildə yaradılan “Converge Bio” biotexnologiya şirkəti süni intellekt vasitəsilə xərçəng dərmanlarının təkmilləşdirilməsi istiqamətində mühüm nəticə əldə edib.
AZƏRTAC İsrailin TPS-IL informasiya agentliyinə istinadla xəbər verir ki, bu barədə şirkət açıqlama verib. Bildirilib ki, süni intellekt platforması cəmi bir sorğu əsasında səkkiz saat ərzində xərçəng dərmanı olan setuksimabı təkmilləşdirə bilib.
Qeyd edilib ki, sistem 100 min variant arasından mövcud dərmandan iki dəfə daha uğurlu olanı seçib. Bu nəticələr üzrə müvəqqəti patent müraciəti edilib.
Şirkətdən bildirilib ki, əldə olunan nəticələr süni intellektin dərman kəşfini sürətləndirmək və mövcud müalicə üsullarını daha effektiv etmək potensialını göstərir.
Bölmənin digər xəbərləri
