İSRAİLDƏKİ XRİSTİAN LİDERLƏRİ FƏLƏSTİN MUXTARİYYƏTİNƏ MALİYYƏ YARDIMI GÖSTƏRMƏYƏ ÇAĞIRIRLAR
Məktubda deyilir: “Ölkələriniz fələstinlilərə maliyyə yardımını dayandırmağı və Fələstin hökumətinin seçilmiş liderlərinin təcrid edilməsini bundan sonra da davam etdirərsə, xalqımız daha böyük çətinliklərlə qarşılaşacaq və bu, kilsələrin başçıları kimi, bizi narahat etməyə bilməz”.
“HƏMAS” hərəkatının yanvarda keçirilmiş parlament seçkilərində qələbəsindən sonra Avropa İttifaqı və ABŞ Fələstin hökumətinə yardım göstərməkdən imtina etmişdir. Brüssel və Vaşinqton bildirir ki, Fələstinin yeni hökuməti yalnız terrorizmdən əl çəkdiyi, İsrail dövlətini və əvvəllər bağlanmış sazişləri tanıdığı təqdirdə muxtariyyət yenidən Qərbdən maliyyə yardımı ala bilər. Bu şərtlər yerinə yetirilməyincə, Qərb Qəzzə bölməsində və İordan çayının Qərb sahilində yalnız qeyri-hökumət humanitar layihələrini maliyyələşdirəcəkdir.
Lakin xristian liderlərinin fikrincə, “HƏMAS” hökumətinin maliyyə blokadası Fələstində zorakılığın artmasına və vəziyyətin gərginləşməsinə səbəb ola bilər. Patriarxlar və digər kilsə liderləri hesab edirlər ki, zorakılığa yalnız danışıqlar və məsləhətləşmələr yolu ilə son qoymaq mümkündür.
Bölmənin digər xəbərləri
